Брзото темпо и модерниот начин на живот често не ни остава доволно време за правилна исхрана и внесување на сите витамини важни за правилно функционирање на организмот, што доведува до умор, недостаток на енергија а понекогаш и до проблеми со здравјето. Затоа мораме неопходната количина на витамини да ја внесуваме преку храната и пијалоците, особено во периоди на интензивно физичко и психичко напрегање, како и при смена на годишните времиња. Витамините ни даваат отпорност и нè штитат од болести, го чуваат и враќаат нашето здравје, му помагаат на имунолошкиот систем при одбраната од вируси, не прехрануваат и подмладуваат. Особено се важни и неопходни за децата, со цел да растат и да се развиваат правилно.